ZÜLFÜNÜ GÖRSEM İZÂRUN ÜZRE EY HÛR-İ CEMÎL
Zülfünü görsem izârun üzre ey hûr-i cemîl
Sanuram zencîr şeklin baglamışdur Selsebîl
Secde-i hâk-i ser-i kûyunla mâh-ı çâr-deh
Çihre-i zerdin gubâr-âlûde kılmış bir zelîl
Câmi-i aşkında yâruñ çarh bir kandîldür
Âfitâb-ı ‘âlem-efrûz aña bir rûşen fetîl
Yollar itdi çihre-i zerdümde seyl-i eşk ile
Çeşm-i giryân benzer ol sakkâya kim eyler sebîl
Muntazır olsa n’ola nergis gubâr-ı kûyına
Tûtiyâya Bâkıyâ muhtâc olur çeşm-i ‘alîl
Makam: Uşşâk
Beste: Hafız RİF'AT Efendi (Hafız-Molla)
Güfte: BÂKİ
