Tulika Gauri se complain karti hai ki itni subah uthkar usse aisa lag raha hai ki woh school student ho gayi hai. Shiv dekhta hai ki Gauri aur Tulika ne breakfast laya hai, Shiv ko uski cheeze nahi mil rahi hai . Woh Gauri se poochta hai ki tumne Wallet kahaan rakhi hai. Dono mein meeti nok jhonk hoti hai ki dono eik dusare ki lifestyle ko badalne ki koshish na kare. Shiv Poochta hai ki uska sabun kahaan hai, Gauri kehti hai ki usne sabun se kapde dho diye, Shiv ka dimaag kharaab ho jaata hai aur woh wahaan se chala jaata hai. Tulika Shiv aur Gauri ke iss chemistry ko dekhkar thoda insecure feel karne lagti hai. Shiv jaate jaate Gauri se keh kar gaya hai ki woh usse shaam ko coffee pe milega. Tulika bhi Gauri se kahin baahar chalne ko kehti hai parr Gauri bahana kar deiti hai. Tulika abb Shiv ko phone kati hai aur usse kahin lekar jaane ko kehti hai lekin shiv usse mana karr deita hai kyunki woh busy hai. Tulika apne mann mein kuch plan karti hai. Gauri shiv ko yun hi SMS karti hai yeh janne ke liye ki woh kahaan hai, Shiv reply karta hai ki woh cofee shop pahunchne waala hai. Gauri ko lagta hai ki Shiv ussise milne aa raha hai. Gauri bhi jaane ke liye taiyaar hone lagti hai, lekin fir woh sochti hai ki agar hum dono sirf achhe dost hain toh main itna excited kyu hoon. Gauri decide karti hai ki woh Shiv se milkar yeh clear karegi. Gauri coffee shop pahunchti hai parr hum dekhte hain ki Tulika bhi wahan pahunch gayi hai. Teeno eik dusare ko dekhkar pehle shocked fir embarassed ho jaate hain. Lekin teeno eik dusare ki saari confusions door karte hain. Baaton baaton mein Shiv kehta hai ki Anirudh ka phone aaya tha aur usne un teeno ko kal Studio mein bulaya hai. Teeno wahaan jaane ke liye agree karte hain.
